علاش "تونس" وشمال إفريقيا تعلموا العربية وتركيا وأفغانستان لا؟

تعرف علاش شمال افريقيا يحكيو بالدارجة الي هي قريبة من العربية وعلاش تعلموا العربية بسهولة وبشكل طبيعي؟

تعرف علاش شمال افريقيا يحكيو بالدارجة الي هي قريبة من العربية وعلاش تعلموا العربية بسهولة وبشكل طبيعي؟ لا موش خاطر "العرب" دخلولنا بالقوة واجبرونا باش نتعلموا العربية باش نفهموا القرآن.. تركيا، ايران، اندونيسيا، وغيرها مسلمين وما علموهمش العربية وما يحكيوش عربية.. ابعد من هكا، الناطقين بالعربية حوالي 300 مليون في العالم والمسلمين مليار ونص.. معناها 80% ملي دخلولهم "العرب" ما يحكيوش عربية.. السر في كوننا نحكيو العربية وننطقوا حروفها الكل خير من برشا شعوب اخرى ناطقة بيها كيما هو كوننا قبل القرن السابع ميلادي وقبل دخول "العرب" لشمال افريقيا كنا نحكيو ونكتبو لغة اسمها عند الغرب "بونيقية" وعند المشارقة "كنعانية" وعند بعض المورخين "فينيقية" وعندنا احنا "لغة قرطاج القديمة".. اللغة هذي هي اصل العربية والعبرية واللغات السامية الكل ومنها هي اقتبسوا الحروف اللاتينية واليونانية وغيرها.. واللغة هذي تم تطويرها نحويا وشكليا و"مرفولوجيا" بالتأكيد في شمال افريقيا وموش في لبنان بالرغم من كونو فما امكانية انها ابتكرت في شكلها الاول في لبنان... معناها، "العرب" كيف جاو لشمال افريقيا لقاو ناس تتكلم اللغة الام الي هوما جدودهم اقتبسوها بالضبط كيما اقتبسوها لخرين الكل ولقاو الي ينجموا يفهموا ويتفهموا من غير لا مترجمين لا شي.. بالتالي ومع الاسلام والقرآن انصهر سكان شمال افريقيا لغويا بالشوية بالشوية في "العربية" ونساو الي لغتهم هوما هي الاصل بالرغم الي الدارجة الحديثة، او التونسية، ماهي الا شكل عصري للغة قرطاج الاصلية متأثر بلغات اجنبية.. كان نرجعك ألفين وخمسميات سنة لتالي ونجيبلك واحد قرطاجي تحكي معاه ناكدلك الي تفهم على الاقل 70% ملي يقولهولك من غير اي مترجم

765 Views