جريمة نوميديا

حنبعل بالحق غدروه القرطاجيين؟

حنبعل قالولنا الرومان والإغريق (بعد طياح قرطاج بمدة وفي طمبك فترة التوسع الروماني وتسويق البروباغندا متع تاريخ مجيد لروما ما كانش عندو وجود):
"غدرو مجلس الشيوخ القرطاجي وما زودوهش بالجيش اللازم باش يحتل روما لذلك خسر الحرب..
توا بالله جدت عليك القصة هذي؟
--
أولا: حنبعل، وبشهادة الرومان أنفسهم، ربح المعارك متاعو الكل على الأراضي الأوروبية".. الكل على الإطلاق.. مما دفعهم باش يقرروا إنهم ماعادش يواجهوا القرطاجيين ودوروا الأسوار على روحهم وقعدوا عاملين حضر تجول 15 سنة كاملة وهي فترة إسترجاع قرطاج لأراضيها في إيطاليا وتحرير أحفادها وأصحابها غادي كيما التروسكيين وغيرهم..
--
ثانيا: فما جينيرال حكومتو تتغشش عليه خاطرو ما سمعش كلامها وقام بعمل متهور كانت عواقبو وخيمة (معركة زاما الوهمية إلي ما فما حتى دليل على وقوعها) ومنبعد تقلو أيا روح باش نحطوك رئيس (شوفيت أو سبط) على قرطاج خاطرك إستراتيجي وذكي وحكيم برشا؟؟
--
ثالثا: حنبعل روح في نفس العام تقريبا إلي أعلن فيه ماسينيسا، خادم روما المطيع، على قيام ما سمته روما "مملكة نوميديا".. بين سنتي 202 و 201 قبل الميلاد.. لذلك أنا نقول إنو الأرجح حنبعل روح موش باش يدافع على القرطاجيين من روما إلي "خلاتو قالك في أرضها ودارتلو ملتالي باش مشات تحاربو في قرطاج" (أسخف قصة في تاريخ الحروب على الإطلاق) وكأنو حنبعل والاف الجنود والشعوب إلي معاه ما فاقوش بسفن روما وعشرات الالاف من الجنود الرومانيين ماشيين لقرطاج.. إنما حنبعل روح باش يمنع مجزرة نوميدية تجاه العزل والنساء إلي قعدوا في قرطاج بعد ما المنشقين النوميديين خانوا قرطاج وسرقوا السلاح متاعها الكل من مخازن السلاح إلي كانت على الأرجح موجودة في منطقة الشمال الغربي.
 
 
---Image result for hannibal barca
 
 
 
 
وللحديث برشا بقية.. تعرضت للمسألة هذي بأكثر تفاصيل وذكرت أكثر نظريات عنها في كتابي "قرطاج، الجمهورية المنسية" إلي مازال ما تمش إصدارو وسيتم الإعلان عن إصدارو هنا وقتلي تكمل بعض الوثائق الإدارية المتعلقة بتسجيل حقوق الملكية متع الأفكار والنظريات العديدة والعديدة جدا المذكورة فيه.