تصحيح على الجوجل: سلامبو

سلامبو هي شخصية خيالية من تأليف غوستاف فلوبير في أواخر القرن 19 .. عملولها نهج في قرطاج ما نعرفش علاش بالضبط

سلامبو هي شخصية خيالية من تأليف غوستاف فلوبير في أواخر القرن 19 .. عملولها نهج في قرطاج ما نعرفش علاش بالضبط في حين ما عملوش أنهج لمئات الشخصيات القرطاجية التاريخية الحقيقية... ونتصور الفرنسيس هوما إلي حطو التسمية متع النهج والبلاصة ومنبعد كيف خرجوا ما تبدل شي كالعادة..
اليوم، أنا نشوف في حاجة على عايلة برقة، سي الجوجل يطلعلي على جنب باش "يعلمني" إلي أميلكار (عبد ملك قرت) كان عندو طفلة إسمها "سلامبو".. معناها الجوجل خذا أسطورة عصرية كاتبها غوستاف فلوبير ويقدم فيها للناس على أنها "معلومة تاريخية"... هكا تراو مباشرة كيفاش التاريخ يتحرف بسهولة كيف تبدا أمالي المول راقدة ولا تتفرج وتتحسر وتاقف غادي ما تعمل شي وما تتحركش...
أنا توا بعثت تقرير صغير لجوجل باش يفسخوا علينا الحكاية وما ذابيا كان الناس الكل كيف كيف معايا لو سمحتم.. الحكاية ما تشدش خمسة ثواني..